Un ar ddeg athletwr. Deg camp. Un peth yn gyffredin: cefnogaeth hyfforddwr sydd wedi eu helpu i lwyddo.

O gogls i bytwyr, rhwyfau i fwâu a beics i sbeics, dyma gipolwg unigryw ar y perthnasoedd sydd wedi bod o gymorth i un ar ddeg o sêr y byd chwaraeon yng Nghymru ddisgleirio.

Byddwch yn gweld pam fod eu hyfforddwyr yn ymroi cymaint. Am eu bod wrth eu bodd â'r gamp. Ond hefyd, am eu bod eisiau datblygu talent ac oherwydd eu dyhead i ennill. Dysgu sgiliau newydd. Meithrin gwybodaeth. Dod yn heini. Dod yn rhan o dîm a chael hwyl.

Mae hyfforddi a gwirfoddoli'n allweddol mewn chwaraeon. Drwy gyfweliadau ag athletwyr elitaidd a lluniau gwych gan ffotograffydd Cool Cymru, Terry Morris, ynghyd ag arddangosfa deithiol ledled Cymru, rydym eisiau dathlu'r rôl yma. Oherwydd yr eiliad hon, mae gwirfoddolwyr wrthi'n brysur yn hyfforddi eu tîm pump-bob-ochr lleol, yn hyfforddi chwaraewyr pêl rwyd i ymosod, yn torri orennau ar gyfer yr egwyl hanner amser, yn rhoi'r rhwydi yn eu lle, yn gyrru'r bws mini, yn dysgu tactegau ac yn cynllunio ar gyfer y sesiwn ymarfer nesaf.

Mae'r gwirfoddolwyr hyn yn gwneud gwahaniaeth mawr a does dim dwywaith ein bod angen mwy ohonynt. Chi sydd i ddewis beth rydych yn ei wneud a faint o amser ydych yn ei roi, a cheir digon o gyfleoedd i ddewis o'u plith.

Os ydych wedi cael eich ysbrydoli gan yr hyn rydych wedi'i ddarllen, beth am gofrestru heddiw a chyfrannu at ddatblygu ein cenhedlaeth nesaf o sêr y byd chwaraeon.

Dyma eich cyfle i gyfarfod â'n un ar ddeg o hyfforddwyr ac athletwyr a darllen am eu barn a'u profiadau wrth hyfforddi a gwirfoddoli yng Nghymru. O Joe Ledley a Dave Jones, i Pippa Britton a Tim Hazell, mae'n gipolwg unigryw ar berthnasoedd cwbl ryfeddol.

Gallwch weld y lluniau a gwylio cyfweliadau gyda'r hyfforddwyr a'r athletwyr. Felly ar pa un ydych chi am edrych gyntaf?

Jaz Carlin a Bud McAllister (Nofio)

Jamie Roberts a Dai Williams (Rygbi)

Dai Greene a Darrell Maynard (Athletau)

Hannah Mills ac Ollie Green (Hwylio)

Pippa Britton a Tim Hazell (Saethyddiaeth Paralympaidd)

Rhys Davies a David Llewellyn (Golff)

Tom James a Neville Orme (Rhwyfo)

Helen Jenkins a Chris Goulden (Triathlon)

Joe Ledley a Dave Jones (Pêl Droed)

Liz Johnson a Billy Pye (Nofio Paralympaidd)

Venus Romaeo a Tracey Skirton-Davies (Gymnasteg)

Wedi i ni agor yr arddangosfa yng Nghaerdydd nôl ym mis Mai, ers hynny rydym wedi ymweld â:

• Llantrisant
• Abertawe
• Y Drenewydd
• Aberystwyth
• Conwy
• Caernarfon
• Wrecsam
• Glynebwy

Diolch yn fawr i bawb a ddaeth i'n gweld.

Fel rhan o ymgyrch Tu Ôl i Bob Seren, rydym yn annog y cyhoedd i wirfoddoli a hyfforddi yn eu cymunedau.

Er mwyn codi proffil ein hymgyrch, bydd yr ymgyrch hysbysebu ar y teledu - gyda seren rygbi Cymru a Llewod Prydain, Jamie Roberts - i'w gweld ar y sgrin fach yn ystod misoedd Medi a Hydref 2010.

Fodd bynnag, os nad ydych wedi cael cyfle i weld yr hysbyseb ar y teledu eto, beth am ei wylio yma.

Unwaith y byddwch wedi cyflwyno eich ffurflen, bydd eich gwybodaeth yn cael ei hanfon yn uniongyrchol at y gamp o'ch dewis a bydd cynrychiolydd o'r gamp honno'n cysylltu â chi.

Byddant yn eich cynorthwyo gyda phopeth rydych ei angen er mwyn cymryd rhan yn y gamp o'ch dewis.

Ac os nad oes gennych hoff gamp ond eisiau gwirfoddoli yr un fath, bydd eich manylion yn cael eu hanfon at adran datblygu chwaraeon eich awdurdod lleol, a fydd yn cysylltu â chi ynghylch sut allwch chi fynd ati i wirfoddoli yn eich cymuned leol.